Во организација на Текстилно Трговското Здружение – Текстилен кластер од Македонија и во соработка со Моден викенд Скопје и Концепт Моден кластер оваа сабота во Домот на млади во Штип се одржа модниот перформанс наречен „Денови на текстилната индустрија – промоција на младата генерација“ во склоп на проект од ИПА пограничната програма Бугарија – Северна Македонија „Модерната текстилна индустрија како привлечна кариера за младите генерации и придонесувач за економски развој и социјален просперитет на прекуграничниот регион јули 2019 – ноември 2020“.
Текстилната индустрија во прекуграничниот регион има важна улога за економиите на двете земји, обезбедува значително високи приходи од извоз и придонесува кон одржливо регионално вработување. Индустријата има потенцијал за раст, но нема млада, иновативна и креативна работна сила. Додека текстилните компании значително ги подобруваа условите за работа и ги почитуваат принципите на добра општествена одговорност на компаниите, учениците сеуште не се свесни за тоа и не гледаат во овој сектор потенцијал за идно вработување.
Целта на овој настан на кој претходеше посета на производни капацитети од ученици од основните и средните училишта, како и менторска работа со дизајнерката Ирина Тошева, беше да се воспостави соработка меѓу образованието и бизнис секторот во насока на прикажување на потенцијалите на текстилната и модната индустрија кои би ги привлекле учениците по школувањето да станат дел од овие гранки.
-Преку стимулација на креативното изразување на младите ученици и студенти и со голема поддршка на нивните професори, успеавме да развиеме модели кои покажаа дека кај младите постои голем потенцијал за вклучување во текстилниот сектор – изјави Наташа Сивевска, директор на текстилниот кластер.
На капсулните колекции направени од текстилен отпад работеа ученици од пет средни текстилни училишта: „Димитар Мирасчиев“ (Штип), „Ацо Русковски“ (Берово), „Миле Јаневски Џингар” – (Македонска Каменица), Ванчо Прке“ (Виница) и „Методи Митевски-Брицо“ (Делчево) и студентите од Технолошко-техничкиот факултет при Универзитетот „Гоце Делчев“ (Штип).
„Миле Јаневски Џингар” (Македонска Каменица)
Иницијативата започна во декември 2019, а заврши со модна ревија која се случи оваа сабoта во Штип. За време на настанот гостите можеа да ја погледнат и изложбата на модни скици изработени од учениците, инспирирани од „Современата текстилна индустрија“.
За квалитетна реализација на настанот активно учество и поддршка дадоа и Домот на млади во Штип, музичкиот дует „Марија и Горан“ кој ја воодушеви публиката со својот перформанс во живо, како и долгогодишниот поддржувач на текстилниот кластер винаријата „Тиквеш“.
За шминката на манекенките се погрижи „Farmasi“ во соработка со Школа за убавина Арт, а за фризурите одговорен беше „Студио Кат Кат од Штип“.
„Ацо Русковски“ (Берово)
Фотографија – Баже Ангеловски
Технолошко-техничкиот факултет при Универзитетот „Гоце Делчев“ (Штип)
Ванчо Прке“ (Виница)
„Димитар Мирасчиев“ (Штип)
Миле Јаневски Џингар” (Македонска Каменица)
Важно: Оваа веб страна е направена со помош на Европската Унија преку Interreg - ИПА Програмата за прекугранична соработка Бугарија-поранешна југословенска Република Македонија CCI No 2014TC16I5CB006. Содржината на веб страна е одговорност единствено на Организација на здружение за текстил и облека и на никаков начин не треба да се толкува како став на Европската Унија или на Управувачкиот орган на Програмата.
Финансирање на проектот::